Lady Gaga запісала другі альбом

Lady Gaga абвясціла пра завяршэнне працы над новым альбомам, але, нягледзячы на гэта, яго рэліз запланаваны толькі на студзень.  Пакуль нават назва дыска застанецца таямніцай: Lady Gaga абяцае агучыць яе акурат у навагоднюю ноч. “Я запісвала гэты альбом некалькі месяцаў і зараз з упэўненасцю заяўляю, што праца скончаная, - распавядае Гага. – Студыйныя сесіі праляцелі вельмі хутка. Некаторым артыстам для гэтага патрэбныя гады - але не мне. Я пішу музыку кожны дзень”.

Новы альбом стане паслядоўнікам дэбютніка “The Fame” (2008), які апраўдаў сваю назву і прынёс свайму аўтару сусветную вядомасць. Паводле вынікаў 2009 года кружэлка стала самым паспяховым рэлізам у Еўропе, трэцім па продажы ў Канадзе і Новай Зеландыі, восьмым у ЗША і дзявятым у Аўстраліі.

У лістападзе мінулага года з’явілася другое выданне альбома, вядомае як «The Fame Monster», куды ўвайшлі яшчэ восем трэкаў, якія раней не выдаваліся.

Фота: my.mail.ru