Легкавы аўтамабіль у Мінску збіў лася

У Мінску ў аўторак уначы легкавы аўтамабіль збіў лася. Лось у 3.30 ночы выскачыў на перакрыжаванне праспекта Любімава і праспекта uазеты "Праўда". Там ён сутыкнуўся з легкавым аўтамабілем "Хёндай-саната". У выніку сутыкнення лось зламаў дзве пярэднія нагі, а вось кіроўца аўтамабіля не пацярпеў, паведамляе "Інтэрфакс".

Работнікі мінскай лесапаркавай гаспадаркі, якія прыбылі на месца здарэння, застрэлілі параненую жывёлу.