Летась у Беларусі 91 лекар захварэў на сухоты

У Беларусі існуе праблема заражэння медыцынскага персаналу сухотамі. Пра гэта паведаміла старшыня рэспубліканскага камітэта Беларускага прафсаюза работнікаў аховы здароўя Алена Бельская.
Яна зазначыла, што ў прафсаюзаў "выклікае занепакоенасць захворванне медыкаў на актыўныя сухоты". Паводле яе інфармацыі, летась упершыню дыягназ "сухоты" быў пастаўлены 91 работніку лячэбна-прафілактычных устаноў Беларусі, 14 з іх — супрацоўнікі сухотных дыспансераў.

БелаПАН