Лідэр «Аквариума» ахвяраваў бамжам 20 тысяч долараў

Лідэр гурта «Аквариум» Барыс Грабеншчыкоў ахвяраваў на патрэбы валацугаў паўмільёна расійскіх рублёў. Вядомы музыка даў дабрачынны канцэрт, зборы ад якога поўнасцю перадаў у начлежку на Баравой вуліцы Санкт-Пецярбурга. – Зараз зіма, – кажа музыка. – А на вуліцы больш за восем тысяч бамжоў. Ім патрабуецца дапамога, падтрымка. Мы ўсё ж такі людзі, а не бяздушныя істоты, каб спакойна назіраць, як нашы суродзічы паміраюць ад голаду і холаду.

Кіраўніцтва прытулку заявіла, што ў першую чаргу сродкі пойдуць на сацыяльную дапамогу і абаграванне бамжоў у адмысловых начных аўтобусах.