Лорд Бэл: Беларускія ўлады збіраюцца вызваліць палітвязняў

Некалькі беларускіх палітвязняў могуць выйсці на волю яшчэ да выбараў. Пра гэта ў інтэрв'ю "Financial Times" заявіў піяр-мэнэджэр Цімаці Бэл, які нядаўна заключыў з урадам Беларусі кантракт аб паляпшэнні іміджу краіны на міжнароднай арэне.
Лорд Бэл заявіў, што яго "першым баявым заданнем" у Беларусі стануць парламенцкія выбары і адборачны матч чэмпіянату свету па футболе з Англіяй, які пройдзе ў Мінску 15 кастрычніка. Піяршчык перакананы, што на кожнае месца ў Палаце прадстаўнікоў будуць прэтэндаваць кандыдаты ад апазіцыі, інфармуе АФН.