Лукашэнка не паехаў на адкрыццё новых станцый метро, паслаў Нявыгласа

Сёння ў Мінску ўрачыста адкрыліся дзве новыя станцыі метро – “Барысаўскі тракт” і “Уручча”. Насуперак чаканням, першым наведвальнікам станцый не стаў Аляксандр Лукашэнка. Замест яго прыехаў кіраўнік адміністрацыі прэзідэнта Генадзь Нявыглас. Ён асабліва падкрэсліў, што адкрыццё станцый – гэта “выдатны падарунак… да гадавіны кастрычніцкай рэвалюцыі”, паведамляе “Інтэрфакс”.

Нагадаем, уваход на новыя станцыі мінскага метро на працягу сённяшняга дня будзе бясплатным.