Лукашэнка правядзе нараду па ўступнай кампаніі
Нарада па ўдасканаленні сістэмы і працы па прыёме ва ўстановы вышэйшай і сярэдняй спецыяльнай адукацыі пройдзе 11 сакавіка.
Як інфармуе БЕЛТА, новая рэдакцыя правіл прыёму не прадугледжвае якіх-небудзь карэнных змен у сфарміраванай сістэме арганізацыі прыёму ў ВНУ і ССНУ. Пры гэтым у якасці асноўнай формы арганізацыі ўступных выпрабаванняў выкарыстоўваецца цэнтралізаванае тэставанне.
Новая рэдакцыя нацэленая ў першую чаргу на рашэнне ўзніклых у апошнія гады праблем набору абітурыентаў на вострадэфіцытныя спецыяльнасці ВНУ. Таксама яна павінна спрасціць працэдуры вырашэння арганізацыйных і тэхнічных пытанняў уступнай кампаніі, якія не паўплываюць на зніжэнне ўзроўню яе аб'ектыўнасці і празрыстасці.
Фота — govorim.by
