Лябедзька: Чарнамырдзін адыграў непазітыўную ролю ў гісторыі Беларусі
Віктар Чарнамырдзін быў каларытнай фігурай і цікавым чалавекам. Так ахарактарызаваў расійскага палітыка кіраўнік АГП Анатоль Лябедзька. Але на думку Лябедзькі, Чарнамырдзін адыграў непазітыўную ролю ў беларускай гістогрыі.
Былы дэпутат Вярхоўнага Савета Анатоль Лябедзька лічыць, што Віктар Чарнамырдзін ускосна дапамог кіраўніку Беларусі правесці незаконны рэферэндум 1996 года. Тады разам з іншымі палітыкамі Чарнамырдзін прыязджаў у Беларусь і заняў бок Лукашэнкі, нагадвае сп.Лябедзька. Гэты рэферэндум павярнуў Беларусь да самых горшых схемаў развіцця, адзначыў палітык у гутарцы з Еўрарадыё.
Лябедзька: "Колькі адведзена столькі і жывём. Чарнамырдзін – чалавек, які пакінуў свой след і ў беларускай палітычнай гісторыі, відаць, не з самага лепшага боку, калі прыязджаў падчас крызісу рэальнага двоеўладдзя ў 1996 годзе".
Нагадаем, Віктар Чарнамырдзін памёр зранку 3 лістапада ў Маскве. Са снежня 1992 па сакавік 1998 года ён ўзначальваў урад Расіі.
Былы дэпутат Вярхоўнага Савета Анатоль Лябедзька лічыць, што Віктар Чарнамырдзін ускосна дапамог кіраўніку Беларусі правесці незаконны рэферэндум 1996 года. Тады разам з іншымі палітыкамі Чарнамырдзін прыязджаў у Беларусь і заняў бок Лукашэнкі, нагадвае сп.Лябедзька. Гэты рэферэндум павярнуў Беларусь да самых горшых схемаў развіцця, адзначыў палітык у гутарцы з Еўрарадыё.
Лябедзька: "Колькі адведзена столькі і жывём. Чарнамырдзін – чалавек, які пакінуў свой след і ў беларускай палітычнай гісторыі, відаць, не з самага лепшага боку, калі прыязджаў падчас крызісу рэальнага двоеўладдзя ў 1996 годзе".
Нагадаем, Віктар Чарнамырдзін памёр зранку 3 лістапада ў Маскве. Са снежня 1992 па сакавік 1998 года ён ўзначальваў урад Расіі.
