"Лялечны дом" закрываецца

Кампанія 20th Century Fox TV мае намер закрыць фантастычны серыял "Лялечны дом" пасля завяршэння здымак апошніх серый. Пра гэта паведамляе Variety са спасылкай на прадстаўнікоў кампаніі. Прычынай адмовы ад працягу серыяла з'яўляецца яго нездавальняючы рэйтынг.

Паведамляецца, што FOX ужо скончыла працу над 11-ым эпізодам, усяго ж планавалася выпусціць 13 серый.

Закрыццё серыяла можна было спрагназаваць, бо яшчэ вясной, пасля выхаду першага сезона, кіраўніцтва кампаніі было гатова адмовіцца ад працы над працягам. Аднак пазней было прынята рашэнне закрыць іншы серыял - "Хронікі Сары Конар", а "Лялечны дом" быў пакінуты ў сетцы FOX.

Нагадаем, што стваральнікам серыяла быў рэжысёр Джос Уідан. Cюжет "Лялечнага дома" будаваўся вакол групы людзей- "лялек", у якіх цалкам адсутнічае памяць, а іх асобы сцёртыя. Гаспадары дома-лабараторыі, дзе жывуць гэтыя людзі, праграмуюць "лялек" для выканання разнастайных заданняў.

Галоўную ролю ў серыяле сыграла акторка Элайза Душку.

Фота: www.kinopoisk.ru