"Лятаючая талерка" ледзь не забіла ганцавіцкую пенсіянерку
Дыск, які раней быў тэлевізійнай антэнай, сарвала ветрам з даху аднаго з дамоў. І ён прасвістаў літаральна каля галавы пажылой жанчыны.
Кабету ўратавала тое, што на нейкую секунду яе затрымала знаёмая, іначай бы талерка ўпала проста на яе, адзначае газета "Ганцавіцкі час". Цяпер жанчына скардзіцца ў камунгас. Яна патрабуе, каб адключаныя талеркі паздымалі. А такіх талерак нямала, бо ў многіх ганцаўчан цяпер кабельнае тэлебачанне.
