Магілёўскія прадпрымальнікі зноў сабраліся на плошчы

Сёння ў Магілёве на плошчы перад будынкам аблвыканкама зноў сабраліся індывідуальныя прадпрымальнікі. У 12 гадзінаў мусіць пачацца відэаканферэнцыя з удзелам намесніка кіраўніка ўрада Андрэя Кабякова. На яе чыноўнікі абяцаюць запрасіць і прадстаўніка прадпрымальнікаў.

Нагадаем, учора на плошчы сабраліся паўтары сотні гандляроў. Іх лідэры ўдзельнічалі ў перамовах у аблвыканкаме, якія закончыліся безвынкова.

Сёння ўдзельнікі мітынга плануюць прыняць рэзалюцыю з патрабаваннямі аб’яўлення мараторыя на дзеянне прэзідэнцкага ўказа № 760, а таксама паскарэння прыняцця закона аб малым і сярэднім бізнэсе ў Беларусі.

Радыё Свабода