Макартні прапанаваў спосаб барацьбы з глабальным пацяпленнем

Сэр Пол Макартні прапанаваў змагацца з глабальным пацяпленнем шляхам звароту ў вегетарыянства. Аб гэтым ён заявіў у інтэрв'ю арганізацыі па абароне правоў жывёл PETA (People for the Ethical Treatment of Animals).

Па словах Макартні, аб'ёмы вады і зямель, якія выкарыстоўваюцца для падтрымання функцыянавання мясной прамысловасці, маюць ключавую ролю ў працэсе змены клімату на Зямлі. Паводле дакладу ААН ад 2006 года, жывёлагадоўля вырабляе больш парніковых газаў, чым аўтамабілі.

Музыка лічыць, што пераход у вегетарыянства дапаможа навакольнаму асяроддзю і захавае планету для будучых пакаленняў.

Акрамя таго, Макартні выказаў здзіўленне тым фактам, што арганізацыі па барацьбе з глабальным пацяпленнем не разглядае пераход на раслінную ежу ў якасці аднаго з асноўных фактараў.

Сам сэр Пол Макартні з'яўляецца перакананым вегетарыянцам і нярэдка далучаецца да кампаній па абароне жывёлаў і навакольнага асяроддзя ва ўсім свеце.

Фота: www.newsru.ua