Маладафронтаўцу Яўгену Скрабцу пагражаюць гаўптвахтаю
Калі Яўгена накіруюць на пакаранне, ён дэмабілізуецца з войска не 21 сакавіка, як плянавалася, а пасля 25-га, і не зможа патрапіць на святкаванне Дня Волі.
Як паведаміў прэс-службе МФ бацька Яўгена Скрабца, напярэдадні дэмабілізацыі з воска маладафронтаўцу пагражае гаўптвахта. Дакладная прычына магчымага пакарання пакуль невядомая.
Перад гаўптвахтаю ў салдат правяраюць стан здароўя. Учора Яўген Скрабец меў тэмпературу вышэй 37 градусаў. Калі медыкі прызнаюць сёння Яўгена здаровым, яго могуць накіраваць адбываць арышт.
