Манах купіў сабе 22 аўтамабілі Mercedes-Benz
Тайская паліцыя пачала расследаванне гэтай справы. Праваахоўнікі падазраюць, што мужчына мог набываць машыны з мэтай "адмывання грошай".
Як інфармуе сайт delfi.lv, манах патраціў на пакупку больш за 3 мільёны долараў. Адзін з аўтамабіляў, які каштуе 250 тысяч долараў, ён падараваў свайму вучню.
У цяперашні час уладальнік дзясяткаў аўтамабіляў знаходзіцца ў ЗША. Разам з манахам у яго асабістым доме ў Каліфорніі жывуць трое вучняў, якія таксама падазраюцца ў адмыванні грошай.
Фота — mirvkartinkah.ru
