Маскоўскі суд адмовіўся разглядаць скаргу па "катынскай справе"

Маскоўскі гарадскі суд прызнаў законным адмову раённага суда разглядаць скаргу сваякоў польскіх афіцэраў, расстраляных катамі з НКВД у 1940 годзе ў Катыні пад Смаленскам, на закрыццё крымінальнай справы.  Цяпер сваякі будуць падаваць скаргу ў Маскоўскі акруговы вайсковы суд. Газета.ру адзначае, што сваякі расстраляных польскіх афіцэраў дамагаюцца іх рэабілітацыі.

Нагадаем, у 2004 годзе Галоўная ваенная пракуратура Расіі закрыла крымінальную справу ў сувязі са смерцю вінаватых. Персанальны склад катаў НКВД быў абвешчаны "дзяржаўнай таямніцай".