Мастак стварыў зіхоткі НЛА з SMS-кіраваннем

Нью-ёркскі мастак Піцер Кофін (Peter Coffin) сумесна з лонданскім архітэктарам Дамінікам Харысам запусцілі над польскім Гданьскам НЛА уласнага вырабу, піша Wired.
Дыяметр лётаючай талеркі складае сем метраў. Яна пакрытая трыма тысячамі святлодыёдаў, што кантралююцца камп’ютарам. Усімі сістэмамі НЛА можна кіраваць пры дапамозе SMS.

На борце ўсталяваны генератар электраэнергіі магутнасцю ў шэсць кілават. НЛА абсталяваны відэакамерай, накіраванай уніз.

У НЛА няма рухавіка. Мастацкая кампазіцыя перамяшчаецца верталётам, які знаходзіцца на 50 метраў вышэй НЛА.

Фота: www.ufosearch.narod.ru