Мэрылін Мэнсан адмовіў Эмінему

Мэрылін Мэнсан адмовіў Эмінэму заспяваць дуэтам адзін з вядомых хітоў рэпера, таму што палічыў кампазіцыю занадта жанчынаненавісніцкай. Вядомы шок-рокер прызнаўся, што аднойчы яму патэлефанаваў Эмінэм і прапанаваў выканаць адзін з яго трэкаў, у якім ён спявае пра тое, як забіў сваю сяброўку. Як сказаў Мэнсан падчас інтэрв’ю часопісу Spin, “гэта быў трэк пра тое, як Эмінэм забівае сваю сяброўку і хавае яе ў куфар”.

Але Мэнсан так і не здолеў уявіць сябе ў ролі героя трэку. Маўляў, па-першае, “ён не кіруе аўтамабілям, а па-другое, ніколі не паклаў бы сваю сяброўку ў куфар”.

Фота: profile.myspace.com