Міхаіл Грабоўскі закінуў дзве шайбы "Караліне", але "Таронта" прайграў

Беларускі хакеіст Міхаіл Грабоўскі вызначыўся ў матчы чэмпіянату НХЛ - за чатыры хвіліны ён закінуў дзве шайбы ў вароты "Караліны". Аднак "Таронта", колеры якога абараняе Грабоўскі, прайграў з лікам 4:6.
Як адзначае БЕЛТА, Міхаіл Грабоўскі стаў лідэрам "беларускага дэсанту" ў цяперашнім чэмпіянаце НХЛ. На рахунку 24-гадовага форварда "Таронта" пасля 12 паядынкаў стала 4 (3 закінутыя шайбы і 1 галявая перадача) балы па сістэме "гол плюс пас".