Мікі Рурк стане бацькам Конана-варвара
Галівудскі акцёр Мікі Рурк выканае ролю бацькі Конана-варвара ў рымейку знакамітага фільма “Конан”. Роля самога кімерыйскага ваяра дасталася Джэйсану Мамоа (Jason Momoa),
які здымаўся ў серыялах “Выратавальнікі Малібу” і “Зорная брама:
Атлантыда”. Раней паведамлялася, што на гэтую ролю, акрамя Мамоа,
прэтэндуюць зорка вампірскага серыяла "Змрок" Келан Латс (Kellan Lutz)
і Джарэд Падалескі (Jared Padalecki) - вядомы па ролі ў серыяле
"Звышнатуральнае" і рымейку "Пятніца 13".
Паводле сюжэта, Конан рушыць у далёкі паход, каб знайсці тых, хто забіў людзей з яго племені. Здымкі карціны пачнуцца 15 сакавіка 2010 года і будуць праходзіць пераважна ў Балгарыі. Бюджэт новага Конана складае $50 млн.
Фільм будзе ўжо трэцяй поўнаметражнай карцінай, прысвечанай персанажу кніг Роберта Эрвіна Говарда. Арыгінальныя фільмы пра прыгоды Конана-варвара былі знятыя ў 1982 і 1984 гадах (“Конан-варвар” і “Конан-разбуральнік”). Галоўную ролю ў карцінах выканаў Арнольд Шварцэнэгер.
Фота: scrapetv.com
Паводле сюжэта, Конан рушыць у далёкі паход, каб знайсці тых, хто забіў людзей з яго племені. Здымкі карціны пачнуцца 15 сакавіка 2010 года і будуць праходзіць пераважна ў Балгарыі. Бюджэт новага Конана складае $50 млн.
Фільм будзе ўжо трэцяй поўнаметражнай карцінай, прысвечанай персанажу кніг Роберта Эрвіна Говарда. Арыгінальныя фільмы пра прыгоды Конана-варвара былі знятыя ў 1982 і 1984 гадах (“Конан-варвар” і “Конан-разбуральнік”). Галоўную ролю ў карцінах выканаў Арнольд Шварцэнэгер.
Фота: scrapetv.com
