Міліцыя адмаўляецца наладзіць сталае патруляванне ў Курапатах

Упраўленне ўнутраных спраў Мінскага аблвыканкама адмовіла ў арганізацыі сталага пешага патрулявання Курапатаў нарадамі ўнутраных войскаў. З такой прапановай праваахоўнікам выступіў старшыня Беларускага дабраахвотнага таварыства аховы помнікаў гісторыі і культуры Антон Астаповіч.  Як адзначае ў сваім лісце намеснік начальніка Ўпраўлення ўнутраных спраў Мікалай Мельчанка, разглядаліся розныя варыняты вырашэння праблемы, "аднак з-за шэрагу аб'ектыўных прычынаў" забяспечыць ахову Курапатаў шляхам патрулявання няма магчымасці.

БелаПАН нагадвае, што праваахоўныя органы адначасова расследуюць тры крымінальных справы па фактах вандалізму на месцах пахавання ахвяраў сталінскіх рэпрэсій.