Мінабароны хоча пазбавіцца 600 аб’ектаў
600 аб’ектаў у 42 вайсковых
гарадках перадасць сёлета мясцовым органам улады Міністэрства абароны Беларусі.
Падобныя акцыі прыносяць Узброеным Сілам значную
эканомію сродкаў, якія трэба было б выдаткоўваць на ўтрыманне згаданых аб’ектаў
вайсковай інфраструктуры. Толькі ў 2006 годзе такім чынам Міністэрства абароны зэканоміла больш за 2 мільярды рублёў.
Аднак
зафіксаваныя выпадкі, калі мясцовыя ўлады з розных прычынаў адмаўляюцца прымаць
вайсковыя аб’екты. Летась такая перадача не адбылася ў Пінскім, Асіповіцкім,
Бабруйскім, Полацкім і Аршанскім раёнах.
