Мінчук прыехаў на рыбалку і ўтапіў аўтамабіль (фота)
Здарэнне адбылося ў аўторак у другой палове дня ў Смаргонскім раёне.
Мужчына спыніў аўтамабіль Fiat Bravo на ўзгорку каля возера, а сам разам з сынам пайшоў шукаць месца для рыбалкі. Аднак паставіць машыну на ручны тормаз забыўся. Калі легкавік паехаў да вады, мінчук спыніць яго ўжо не змог.
У выніку Fiat Bravo спыніўся толькі ў 15 метрах ад берага ў вадзе. Каб выцягнуць машыну, на месца прыязджалі выратавальнікі са Смаргоні, інфармуе прэс-служба МНС.
Фота — mchs.gov.by
