Мінскае "Дынама" прайграла ЦСКА ў матчы чэмпіянату КХЛ

У чарговым матчы чэмпіянату Кантынентальнай хакейнай лігі мінскае "Дынама" пацярпела паразу ад ЦСКА з лікам 3:4.
Гульня адбылася ўчора ў Маскве. Шайбы ў мінчукоў закінулі Дзмітрый Мялешка, Алег Шафарэнка, Байран Рытчы.

Наступны матч каманда Глена Хэнлана правядзе ў гасцях супраць чэхаўскага "Віцязя". Пасля шасці матчаў на рахунку "Дынама" тры перамогі і тры паражэнні.

З 8 ачкамі каманда займае чацвёртае месца ў дывізіёне Баброва, сёмае ў Заходняй канферэнцыі і 13-е ў агульнай табліцы.

БелаПАН