Мінскія “дынамаўцы” разграмілі маскоўскае “Дынама” ў матчы КХЛ

Мінскае “Дынама” з лікам 5:1 разграміла “дынамаўцаў” з Масквы ў гасцявым матчы Кантынентальнай хакейнай лігі.

Галы ў беларускай каманды на рахунку Ханэса Хювенена, Каспарса Сауліеціса, Андрэя Спірыдонава, Бена Клаймера, Ільі Докшына.

Прычым апошні гол “дынамаўцы” забівалі ў меншасці. Гэта перамога стала самай буйной за час выступлення мінчукоў у КХЛ. У мінулым матчы гэтых каманд беларусы ў сябе дома саступілі 0:2.