Мірны і Бхупаці выйшлі ў чвэрцьфінал турніру серыі "Мастэрс" у Парыжы

Дуэт Максіма Мірнага і Махеша Бхупаці выйшаў у чвэрцьфінал тэніснага турніру серыі "Мастэрс" у Парыжы. Прызавы фонд спаборніцтваў складае 2,75 млн еўра.
У першым крузе беларуска-індыйская пара была свабодная, а ў другім перамагла ізраільцяніна Джонатана Эрліха і немца Міхаэля Кольмана — 3:6, 6:1, 10:5 (тай-брэйк), паведамляе БелаПАН.

Наступнымі сапернікамі Мірнага і Бхупаці будуць трэція ракеткі свету канадзец Дэніэл Нестар і серб Ненад Зімонджыч.