“Міс Інтэркантыненталь” можа стаць 19-гадовая студэнтка БДУ

19-гадовая студэнтка юрфака БДУ Марыя Есьман прадставіць Беларусь на конкурсе “Міс Інтэркантыненталь-2009”.
Дзяўчына 10 гадоў прафесійна займаецца бальна-спартовымі танцамі, перамагала ў шматлікіх конкурсах, мае дыплом музычнай школы па класе скрыпкі, паведамляе БЕЛТА.

Марыя Есьман была абраная прафесійным журы з 300 прыгажунь. Нагадаем, конкурс “Міс Інтэркантыненталь-2009” сёлета пройдзе ў Мінску 27 верасня. У ім возьмуць удзел дзяўчаты з 60 краін.