МТС не зможа абмяжоўваць доступ у інтэрнэт

Аператар МТС не будзе рабіць ніякіх дзеянняў, накіраваных на абмежаванне доступу да інтэрнэт-рэсурсаў. Пра гэта паведаміў гендырэктар кампаніі Ўладзімір Карповіч, перадае БЕЛТА. Па яго словах, кампанія на сённяшні момант не мае адпаведнай базы, якая б дазволіла абмяжоўваць доступ да тых ці іншых сайтаў.

Нагадаем, з 1 верасня інтэрнэт-правайдары павінны абмяжоўваць доступ карыстальнікаў да інфармацыі, забароненай да распаўсюду ў адпаведнасці з заканадаўчымі актамі.