Мытнікі раяць не ездзіць у Польшчу праз “Казловічы”

На грузавым тэрмінале "Казловічы-2" на беларуска-польскай мяжы з 10 верасня цягам месяца будзе замаруджаны рух транспарта праз пункт пропуску.
У Дзяржаўным мытным камітэце Беларусі распавялі, што гэта звязана з правядзеннем на тэрмінале рамонтных дарожных работ. Паколькі рамонт будзе здзяйсняцца пры працуючым пункце пропуску, могуць паўстаць нязручнасці пры перасячэнні мяжы.

У сувязі з гэтым Дзяржаўны мытны камітэт звяртаецца да перавозчыкаў з просьбай пераразмеркаваць транспартныя патокі і па магчымасці выбіраць маршруты руху праз іншыя пункты пропуску.

БЕЛТА