МЗС не рэкамендуе беларусам Туніс
Усталяваны кантакт з часткай беларускіх грамадзянаў, якія пражываюць і працуюць у Тунісе.
Пра гэта БЕЛТА паведаміў начальнік упраўлення інфармацыі — прэс-сакратар МЗС Беларусі Андрэй Савіных.
"Мы пільна сочым за развіццём абстаноўкі ў Тунісе. Амбасада Беларусі ў Лівіі знаходзіцца ў пастаянным кантакце з расійскімі консульскімі службамі, з якімі дасягнутая дамоўленасць аб аказанні аператыўнай консульскай і іншай магчымай дапамогі беларускім грамадзянам, што знаходзяцца ў Тунісе", — сказаў ён.
МЗС рэкамендуе беларусам устрымацца ад вандровак у Туніс, дзе, як вядома, адбылася змена ўлады: прэзідэнт Бэн Алі ўцёк з краіны.
