На алімпійскага чэмпіёна Андрэя Арамнава пачалі крымінальную справу
Барысаўская міжгарнізонная вайсковая пракуратура пачала крымінальную справу на вайскоўца ўнутраных войскаў МУС, алімпійскага чэмпіёна Андрэя Арамнава. Як паведамляе БелаПАН, цяжкаатлета падазраюць у злачынстве, прадугледжаным ч. 2 арт. 317-1 Крымінальнага кодэкса (кіраванне транспартным сродкам асобай у стане алкагольнага ап'янення, перадача кіравання транспартным сродкам такой асобе альбо адмова ад праходжання праверкі (агляду)).
Нагадаем, спартоўца двойчы на працягу трох месяцаў затрымоўвалі супрацоўнікі ДАІ ў Барысаве за кіраванне аўтамабілем у нецвярозым стане — у снежні 2008 года і ў лютым 2009 года. 13 сакавіка па выніках пашыранага паседжання прэзідыўма Беларускага цяжкаатлетычнага саюза Андрэй Арамнаў быў дыскваліфікаваны на два гады ўмоўна і пазбаўлены прэзідэнцкай стыпендыі.
Паводле закону алімпійцу пагражае штраф, або папраўчыя працы на тэрмін да двух гадоў, або арышт на тэрмін да шасці месяцаў.
Нагадаем, спартоўца двойчы на працягу трох месяцаў затрымоўвалі супрацоўнікі ДАІ ў Барысаве за кіраванне аўтамабілем у нецвярозым стане — у снежні 2008 года і ў лютым 2009 года. 13 сакавіка па выніках пашыранага паседжання прэзідыўма Беларускага цяжкаатлетычнага саюза Андрэй Арамнаў быў дыскваліфікаваны на два гады ўмоўна і пазбаўлены прэзідэнцкай стыпендыі.
Паводле закону алімпійцу пагражае штраф, або папраўчыя працы на тэрмін да двух гадоў, або арышт на тэрмін да шасці месяцаў.
