На Цнянскім вадасховішчы пенсіянерка хацела ўтапіцца
Але перадумала і ёй спатрэбілася дапамога выратавальнікаў.
Выратавальнікі АСВОД на Цнянскім вадасховішчы перадухілілі самазабойства 75-гадовай жанчыны. Інцыдэнт адбыўся каля 18.00 28 красавіка.
Як паведаміў агенцтву “Мінск-навіны” начальнік выратавальнай станцыі “Цнянская” Георгій Жаброўскі, жанчына адплыла на некалькі метраў ад берага і схапілася за буёк. Яе ўбачылі відавочцы і паведамілі пра гэта выратавальнкам.
Супрацоўнікі АСВОД дасталі жанчыну з вады і на катэры прывезлі на станцыю. Там ёй аказалі першую медыцынскую дапамогу. Сама пенсіянерка патлумачыла свой учынак перажытай асабістай трагедыяй: яе сын нядаўна павесіўся.
Фота: freesmi.by
