На Джона Бон Джові падалі ў суд

На вакаліста амерыканскага гурта "Bon Jovi" Джона Бон Джові падалі ў суд, паведамляе ContactMusic. Музыка абвінавачваецца ў затрымцы выплат заробкаў AFL (Амерыканская ліга арэна-футбола – разнавіднасці амерыканскага футбола, гульня ў які праходзіць у зачыненых памяшканнях). Бон Джові з'яўляецца адным з саўладальнікаў лігі.

Былы мэнэджар па продажах, які працаваў ў структуры клуба AFL Philadelphia Soul, Джозаф Краўзэ (Joseph Krause) падаў супраць акцыянераў лігі пазоў, паводле якога кіраўніцтва спартовай арганізацыі запазычыла яму каля 125 тысяч долараў. Ён заявіў, што не атрымліваў заробку за працу ў сезоне-2008/09.

Краўзэ таксама паказаў у пазове, што ўладальнікі лігі выкарыстоўваюць сваю працу ў AFL для таго, каб займацца прасоўваннем прыналежных ім камерцыйных і фінансавых прадпрыемстваў. Акрамя таго, былы мэнэджар Philadelphia Soul падкрэсліў, што Бон Джові у сваю чаргу хацеў умацаваць свой статус знакамітасці за кошт удзелу ў справах лігі.

Правядзенне гульняў сезону-2009/10 у AFL было вырашана прыпыніць, паколькі ў сувязі з сусветным фінансавым крызісам кіраўніцтва AFL занялося распрацоўкай новай бізнэс-мадэлі функцыянавання лігі.

Фота: www.wallpapers.hutor.ru