На “Мастоўдрэве” не будуць кампенсаваць ненармаваны рабочы дзень

У сувязі з адсутнасцю прыбытку, кіраўніцтва дрэваперапрацоўчага завода "Мастоўдрэў" вырашыла змяніць умовы працы. З 10 сакавіка рабочым не будуць больш даваць і аплачваць адпачынкі за ненармаваны працоўны дзень і за бесперапынны працяглы стаж працы.
Гендырэктар мастоўскага завода папярэдзіў рабочых, што калі тыя адмовяцца працягваць працу на новых умовах, то кантракты з імі будуць спыненыя.

У сваю чаргу працоўныя звярнуліся да дэпутата райсавета Дзмітрыя Кухлея з просьбай высветліць законнасць адмены дадатковых дзён да адпачынку за стаж і за ненармаваны працоўны дзень.