На месцы аварыі трубаправода ў Дняпро паліва не можа патрапіць - МНС
Працягваецца ліквідацыя наступстваў прарыву трубаправода “Унеча-Роўна” на тэрыторыі Рэчыцкага раёна. Нагадаем, яна адбылася ўчора раніцай. Прарвала трубу, па якой дызельнае
паліва ідзе з Расіі ва Украіну. У выніку, вылілася каля 70
кубаметраў паліва. Аднак насуперак некаторым прагнозам у Міністэрстве
па надзвычайным сітуацыям кажуць, што Дняпру забруджванне не пагражае.
Вось што сказаў у інтэрв’ю Еўрарадыё прэс-сакратар МНС нашай краіны Віталь Навіцкі:
“Там ёсць пойменны вадаём, упрост на полі, непасрэдна там, дзе месца разліву. А ў Дняпро не могуць патрапіць. На месцы цяпер круглыя суткі вядуцца работы, працуе 56 адзінак тэхнікі, больш за 150 чалавек. Праводзіцца адкачка сумесі вады і нафтапрадуктаў”.
На дапамогу аварыйным брыгадам прадпрыемства “Транснафтапрадукт”, якому належыць трубаправод, і мясцовым сілам МНС з Мінску выехаў Рэспубліканскі атрад спецыяльнага прызначэння з аўтамабілем хімічнай абароны.
Паводле словаў Віталя Навіцкага, актыўная фаза ліквідацыі наступстваў аварыі мусіць быць закончана на працягу сутак.
Вось што сказаў у інтэрв’ю Еўрарадыё прэс-сакратар МНС нашай краіны Віталь Навіцкі:
“Там ёсць пойменны вадаём, упрост на полі, непасрэдна там, дзе месца разліву. А ў Дняпро не могуць патрапіць. На месцы цяпер круглыя суткі вядуцца работы, працуе 56 адзінак тэхнікі, больш за 150 чалавек. Праводзіцца адкачка сумесі вады і нафтапрадуктаў”.
На дапамогу аварыйным брыгадам прадпрыемства “Транснафтапрадукт”, якому належыць трубаправод, і мясцовым сілам МНС з Мінску выехаў Рэспубліканскі атрад спецыяльнага прызначэння з аўтамабілем хімічнай абароны.
Паводле словаў Віталя Навіцкага, актыўная фаза ліквідацыі наступстваў аварыі мусіць быць закончана на працягу сутак.
