На Мінскім аўтазаводзе адбыўся пажар

У цэху Мінскага аўтамабільнага завода ў мінулую нядзелю адбыўся пажар. Пра гэта паведамілі ў міністэрстве па надзвычайных сітуацыях Беларусі.
Па словах ратавальнікаў, адбылося ўзгаранне адкладанняў фарбы ў вентыляцыйным корабе на ўчастку афарбоўкі ў механазборачным цэхе нумар 1.

У выніку пажару пашкоджаны вентыляцыйны кораб на плошчы 2 квадратных метра і электрарухавік выцяжной вентыляцыі.

Паводле папярэдніх дадзеных, прычынай пажару стала кароткае замыканне ў электрарухавіку вентыляцыі. Пацярпелых няма.

“Інтэрфакс”