На Пастаўшчыне вандал разбіў некалькі дзясяткаў надмагілляў
Здарэнне адбылося ў вёсцы Камаі.
Як кажуць мясцовыя жыхары, мінулай ноччу на каталіцкіх могілках вандал разбіў 60–70 надмагілляў. З дапамогай лома былі разбітыя не толькі помнікі, але і падстаўкі для кветак, лаўкі, параскідана гранітная крошка.
Вандала затрымалі. Ім аказаўся “шабашнік”, ўраджэнец Брэстчыны, які жыў у інтэрнаце ў Камаях. Незадоўга да гэтага ён праходзіў лячэнне ад псіхічнага захворвання. Мясцовыя жыхары дагэтуль не могуць паверыць, што ён дзейнічаў адзін.
Дарэчы, могілкі ў Камаях лічыліся аднымі з самых дагледжаных у рэгіёне.
Фота — radzima.org
