На суботу ў краіне абвясцілі штармавое папярэджанне

На суботу сіноптыкі абвясцілі штармавое папярэджанне. Кіроўцаў аўтамабіляў просяць устрымацца ад паездак ці быць вельмі ўважлівымі на дарогах. У нядзелю ўзмоцняцца маразы:

Рабаў: "У суботу нас чакаюць складаныя ўмовы надвор'я. Ноччу на большай частцы тэрыторыі снег, завіруха. У асобных раёнах наліпанне мокрага снегу, галалёд, на дарогах галаледзіца. На гэтыя ўсе небяспечныя неспрыяльныя з’явы выпісана штармавое папярэджанне. Тэмпература паветра ўначы -5…- 12, удзень -3…-10. Па паўночным заходзе ноччу і зранку каля 0, удзень -2…-5. У нядзелю чакаецца ўзмацненне маразоў. Тэмпература паветра ўначы -13…-20, пры праясненнях да-23…-25. Пры гэтым пераважна без ападкаў. Ноччу і зранку месцамі туман і імжа".

Рабаў кажа, што ў панядзелак яшчэ захаваецца марознае надвор’е. Начная тэмпература будзе ад -8 да -25, удзень ад 0 да -10. З аўторка маразы пачнуць змяншацца. Пры гэтым на большай частцы Беларусі чакаюцца ападкі – снег, месцамі з дажджом. Месцамі будзе галалёд і галаледзіца на дарогах.