Надвор'е: 2 чэрвеня ў Беларусь нарэшце прыйдзе лета

На Еўрарадыё прагноз надвор'я. 2 чэрвеня, са спазненнем на адзін дзень, у Беларусь усё ж такі прыйдзе лета. Неба развіднее, а тэмпература ў параўнанні з учорашняй падвысіцца на некалькі градусаў. Выключэнне — Брэст, дзе пройдзе дождж, але будзе да 24 градусаў цяпла. У Віцебску да +26, у Магілёва +25...27. У Гродне да +23 і магчымы кароткачасовы дождж. У Гомелі, як і ўчора, цяплей за ўсё — да 30 градусаў вышэй за нуль і яснае неба.

Цяпер да надвор'я ў беларускіх суседзяў. У Варшаве да +21, навальніца. У Кіеве сонечна, да +30. У Рызе да +22, у Маскве і ў Вільні да +24, і паўсюль дажджы. У Таліне +16, ясна.

У Мінску 2 чэрвеня будзе сонечна. Невялікі дождж увечары. Тэмпература ўдзень +22...24, уночы да 20 градусаў цяпла.