NASA запусціла анлайн-мапу Марса
Цяпер па Марсе можна падарожнічаць, як па Зямлі з дапамогай Google Earth.
Амерыканскае нацыянальнае аэракасмічнае агенцтва NASA запусціла анлайн-мапу Марса.
Сэрвіс атрымаў назву Mars Trek (Марсіянскі шлях), што адсылае да культавага фантастычнага серыялу "Зорны шлях" (Star Trek). Мапа нагадвае Google Earth.
На Mars Trek можна мяняць маштабы і павялічваць малюнак да дробных кратэраў. Таксама карыстальнікі могуць разглядаць Марс на свой выбар у 2D- і 3D-рэжымах.
