Нажом паранілі студэнта Полацкага дзяржуніверсітэта
Прычынай здарэння стала сварка паміж маладымі людзьмі. У выніку, адзін з іх апынуўся на бальнічным ложку, іншы — за кратамі.
У Полацку ў інтэрнаце нажом паранілі 21-гадовага студэнта мясцовага дзяржуніверсітэта. Хлопца шпіталізавалі. Па гарачых слядах праваахоўнікі затрымалі 19-гадовага студэнта, якога падазраюць у здзяйсненні злачынства. Высветлілася, што ён жыў у гэтым жа інтэрнаце і ў яго ўзнікла сварка з пацярпелым. Падчас яе ён і мог параніць нажом студэнта.
У адносінах затрыманага распачалі крымінальную справу. Ён застаецца за кратамі, інфармуе БЕЛТА.
Фота: Fotolia
