Нецвярозая кампанія скрала катамаран (відэа)
Маладыя людзі 19-20 гадоў выпілі зранку дзве пляшкі гарэлкі і ім захацелася прыгодаў.
Спачатку яны збівалі ліхтары на вуліцы Сталетава ў Мінску, а пад канец прагулкі вырашылі скрасці катамаран. Аднак далёка ўплыць на ім не змаглі: вясёлую кампанію затрымаў міліцэйскі патруль, інфармуе СТВ.
Як высветлілася, у кампанію ўвайшло трое маладых людзей. Двое працуюць рознарабочымі, а трэці — кур’ерам. Раней хлопцаў не прыцягвалі да крымінальнай адказнасці, а цяпер на іх завялі крымінальную справу.
