Некалькі прадпрымальнікаў спрабуюць прарвацца ў Палату прадстаўнікоў

Індывідуальныя прадпрымальнікі прыйшлі на плошчу Незалежнасці да Дома ўраду. Некалькі чалавек спрабуюць трапіць у Палату прадстаўнікоў з тым, каб перадаць рэзалюцыю дэпутатам. У дакуменце патрабуецца спыніць судовы пераслед прадпрымальнікаў, перагледзець прэзідэнцкі ўказ №760, які забараняе ІП мець наёмных працаўнікоў акрамя блізкіх сваякоў.

Пры гэтым застаецца ў сіле абмежаванне колькасці працаўнікоў — не больш за тры чалавекі. У рэзалюцыі прадпрымальнікі таксама патрабуюць, каб беларускія ўлады выканалі 12 умоў Еўрасаюза.