Незалежны прафсаюз дапаможа вызваленым пасля арыштаў

Юрыдычная служба незалежнага прафсаюзу РЭП падрыхтавала ўлётку, у якой тлумачыць правы працаўніка, арыштаванага за здзяйсненне адміністрацыйнага правапарушэння. Прафсаюз РЭП таксама акажа юрыдычную дапамогу вызваленым пасля арыштаў 19 снежня работнікам, калі ў іх узнікнуць праблемы з наймальнікам.

"Усе юрысты нашага прафсаюза ва ўсіх рэгіёнах краіны папярэджаныя пра тое, што да іх могуць звярнуцца пацярпелыя за ўдзел у акцыі работнікі", — паведаміў Praca-by.info старшыня прафсаюзу РЭП Генадзь Фядыніч.