Нік Кэйв і Bad Seeds абновяць старыя альбомы

Рэкордынгавы лэйбл калектыву Mute вырашыў выдаць пашыраныя версіі класічных альбомаў Кэйва і кампаніі, якія будуць дапоўненыя рознымі бонусамі і рарытэтамі. Перавыданне першых чатырох альбомаў запланавана ўжо сёлета на восень. «From Her To Eternity», «The First Born Is Dead», «Kicking Against The Pricks» і «Your Funeral, My Trial», якія выйшлі ў прамежку з 1984-га па 1986-ы гады, цяпер будуць выдадзеныя ў фармаце падвойнага выдання, першы дыск якога будзе складацца з наноў аблічбаванага арыгінальнага матэрыялу, а другі з рэдкіх бісайдаў і аўттэйкаў, якія адносяцца да перыяду запісу альбомаў.

Дата выдання і поўны трэк-ліст абноўленай серыі будуць абвешчаныя пазней – як і час перавыдання другой часткі бэк-каталога Bad Seeds.

Фота: www.motorcitycomic.com