Озі Осбарн адкрые Алею славы ў Бірмінгеме

Озі Осбарн стане першай знакамітасцю, у гонар якой будзе адкрыта зорка на Алеі Славы ў родным горадзе рокера Бірмінгеме. Памятны знак Озі з’явіцца на Алеі, створанай па выглядзе і падабенству галівудскай, 6 ліпеня. Менавіта ў гэты дзень Осбарн наведае родны горад з канцэртам. Лорд-мэр гораду Рэндал Брю, які будзе прымаць удзел у цырымоніі адкрыцця помніка, заявіў, што «чакае моманту, калі Озі вернецца ў Бірмінгем. Гэта вялікі гонар для ўсіх жыхароў гораду прадставіць Осбарна першым на мясцовай Алеі зорак».

Сам жа 58-гадовы музыка заявіў у адказ, што для яго гэта большы гонар, чым зорка на галівудскай Алеі Славы, якая была адкрыта ў 2002 годзе. Маўляў, у Озі “ёсць зорка ў Галівудзе, але атрымаць зорку ў сваім родным горадзе значна важней”.

Фота: deluca.blogspot.com