Пачалося спатканне Аляксандра Казуліна з дочкамі

3 траўня ў калоніі "Віцьба-3" пачалося спатканне экс-кандыдата ў прэзідэнты Аляксандра Казуліна з дочкамі Вольгай і Юліяй. Як паведаміла БелаПАН Юлія Казуліна, напярэдадні яна прыгатавала бацьку яго любімыя піражкі, іншую хатнюю ежу. "Хочацца яго накарміць, хоць чым-небудзь пацешыць, — сказала яна. - "Калі бацьку адпусцілі на пахаванні маці, мы так толкам і не пагаварылі. Таму хочам у першую чаргу пагаварыць аб сямейным. А Вольга мае намер яшчэ і абмеркаваць пэўныя партыйныя праблемы, бацька ж лідэр Беларускай сацыял-дэмакратычнай партыі (Грамада), у якой яна актыўна ўдзельнічае".

Нагадаем, раней планавалася, што спатканне пройдзе з 26 па 29 красавіка. Аднак адміністрацыя калоніі паведаміла А.Казуліну, што 26 красавіка ўсё памяшканні для спатканняў занятыя.

Нагадаем, 13 ліпеня 2006 года суд прызнаў А.Казуліна вінаватым у "наўмысных дзеяннях, што груба парушаюць грамадскі парадак, суправаджаюцца гвалтам і знішчэннем чужой маёмасці", "непадпарадкаванні патрабаванням прадстаўніка ўлады".

Палітык адбывае пакаранне ў віцебскай выпраўленчай калоніі агульнага рэжыму "Віцьба-3". "Міжнародная амністыя" прызнала А.Казуліна палітвязнем.
БелаПАН