Пад Івацэвічамі ўзарвалася выбуховае прыстасаванне, загінуў мужчына
Трагічнае здарэнне адбылося ў Косаве на адным з прыватных падворкаў падчас збору металалому.
Сярод металу, як аказалася, знаходзілася выбуханебяспечнае прыстасаванне. Загінуў прыёмшчык металалому. Вось што распавёў у інтэрв'ю тэлеканалу "Беларусь 1" Сяргей Удовікаў, намеснік начальніка ўпраўлення Следчага камітэта па Брэсцкай вобласці:
"Праводзіцца праверка па факце гібелі 44-гадовага жыхара Івацэвіцкага раёна. Следчыя высветлілі, што смерць верагодна наступіла ў выніку выбуху невядомага выбуховага прыстасавання".
Праваахоўнікі і сапёры на месцы здарэння выявілі яшчэ некалькі выбуханебяспечных прадметаў. Што гэта было, не паведамляецца. Знаходкі вывезлі на палігон і абясшкодзілі. Праводзіцца праверка, прызначаныя экспертызы.
