Пад Мінскам беларускія асілкі 5 метраў цягнулі танк

Двое беларускіх асілкаў-рэкардсменаў нашай краіны па сілавым шматбор'і - Кірыл Шымко і Павел Сарока - змагаліся пад Мінскам з савецкім танкам Т-34.  Яны паспрабавалі яго адцягнуць на максімальную адлегласць. У выніку Шымко і Сарока здолелі адсунуць танк ад месца яго стаянкі на 5 метраў 10 сантыметраў, інфармуе тэлеканал СТВ.

Нагадаем, раней беларускія асілкі ўжо адзначыліся тым, што цягнулі за сабой цягнік і нават самалёт.