Пад Мінскам гарэў музейны экспанат "Гумно" (фота)
Па адной версіі, быў падпал, па іншай узгаранне пачалося пасля патраплення маланкі.
Увечары 26 траўня адбыўся пажар на тэрыторыі Беларускага дзяржаўнага музея народнай архітэктуры і побыту ў вёсцы Азярцо пад Мінскам. Калі на месца прыехалі ратавальнікі, адкрытым полымем гарэў дах музейнага экспаната "Гумно". Узгаранне было ліквідавана. Агонь паспеў пашкодзіць саламяны дах і драўляныя сцены.
Прэс-служба МНС адзначае, што разглядаюцца тры версіі здарэння. Гэта і падпал, і ўдар маланкі, і неасцярожнае абыходжанне з агнём невядомай асобы.
Нагадаем, уначы ў вёсцы Сіціцк Столінскага раёна ўначы згарэла драўляная капліца XIX стагоддзя. Мяркуецца, што ў яе патрапіла маланка.
Фота: МНС
