Пад Ракавам сабраліся “жалезныя браты”

У Мінскай вобласці праходзіць шосты міжнародны байк-фестываль. Яго арганізатарамі выступаюць Беларускае грамадскае аб’яднанне “Матаклуб Жалезныя браты” і Беларускае грамадскае аб’яднанне “Рэспубліка без наркотыкаў”. Сотні байкераў на тры дні “акупавалі” тэрыторыю дзіцячага аздараўленчага лагера “Фатон” каля пасёлка Ракаў.

У рамках байк-фестываля праходзяць канцэрты, конкурсы, шоў-праграмы і нават стрыптыз. Сёння а 13 гадзіне пройдзе парад “жалезных братоў”.